SOFTHARD LONG TIME NO SEE 06

一向都偏向睇外國live多,本地live演唱會都極少會捧場,
今年多咗睇本地嘅演唱會,但係睇嘅全都係讀書年代嗰"炸"歌星,
繼草蜢,周慧敏之後,禽晚睇咗又係我讀書時期必聽嘅軟硬天師。
唱咗好多耳熟能詳嘅歌,毛管棟位實有幾個,觀眾都好熱烈反應。
最想講嘅係嘉賓,軟硬十場演唱會,場場嘉賓都唔同,
要入到去睇至會知邊個係今場嘉賓,好似抽獎咁。
其實我唔太喜歡一場演唱會入面會請嘉賓,
一心係黎睇個主角,請倒個啱嘅就固然好,
唔啱嘅,就好想佢快啲入返後台,咁就唔好啦。
開場前我哋都講話好彩黎明呀,古巨基呀已經出咗,
仲話如果請王菲合唱"請勿客氣"就好咯!(呢個冇可能啦)
今場嘅嘉賓係陳奕迅,佢唱住麥記歌出黎我都冇乜特別感覺,
最正嘅係,佢竟然揀咗"請勿客氣"黎唱,好"橋"!
呢個男聲版嘅"請勿客氣",陳奕迅唱得好掂喎,
佢又唔會跟足王菲版本,又有自己風格,
希望第時出live dvd時係出呢場啦!
總括黎講,Good Show!