茉莉花開

GOOD film!
三代嘅女兒全由章子怡飾演,而三代嘅母親及外婆全由陳沖包辦,
同一演員,橫跨三代,
三代嘅名字分別為"茉","莉","花",安排都幾特別,
對手戲最多嘅固然係呢兩母女,兩個都做得好好,
我一向都比較鐘意章子怡做一啲樸素平凡嘅女子角色,
就好似"我的父親母親"入面樸素山區鄉下少女,
而"茉莉花開"入面,三十年代曾經做過明星嘅"茉",
六十年代性格剛烈嘅"莉",八十年代堅強獨立嘅"花",
三代唔同性格嘅女人,章子怡做得比之前嘅更加好；
同樣,三代嘅陳沖都做得唔錯,一見倒陳沖,
就第一時間諗起婉容皇后,歲月催人,
中年嘅陳沖,竟有啲似劉曉慶。
好鐘意戲中三十年代舊上海時代背景,
旗袍、舊街、老商店、舞廳、人力車...
果然古代,舊年代嘅吸引力係好大嘅。