眼前一亮~
前幾日晚响屋企講緊電話,講講吓途中,被電視播緊嘅節目吸引咗我注意力,播緊嘅係亞視晚間新聞,報導內容我都唔清楚因為講緊電話,吸引我嘅,係被訪問嗰個人,係一個著住西裝,操流利過河國榮嘅廣東話,文質彬彬嘅外國男人,仲要係後生又靚仔嗰隻！我一見倒就即刻「嘩!!!」咗出黎,都唔理電話入面講緊嘅家姐,即刻叫我個妹快啲望住電視,有靚仔呀！睇倒下低註明被訪者嘅身份,原來該名外藉靚仔係一名教師,嘩!!!我有咁靚仔嘅老師,我淨係望住佢都唔駛聽書咯！（雖然讀書時期本身就唔係點聽書)個外藉老師嘅樣貌，靚仔嘅程度同Orlando Bloom咁上下，我絕對冇誇大,連我個妹唔好鬼嘅都話個外藉老師靚仔。平時靚仔好難至會見倒,而家比我見倒嘅仲係星級,好難得！
posted by Koumei @ 10:36 PM
4 Comments:
哎吔，我屋企通常睇無線新聞，miss 咗個靚仔添！唔知亞視個 website 有冇新聞重播睇呢？
令我諗起中學時代個牛津畢業靚仔老師添~
佢個人好搞笑架,大家都有心機上佢堂,不過佢唔太曉廣東話XD
孔爺唔記得左同你講生日快樂~
邊度搵個靚仔鬼佬仲要識講廣東話咁索？
講到好似好得喎~~>w<
伊死dot o徙呀!!!
oY~個個都對靚仔咁有興趣,
果然我哋個個都係好男色呀吓!
Post a Comment
<< Home